O boletín nº 42 do Comité Español da UICN, correspondente ao número de verán de 2021, recolle un artigo sobre algunhas das actividades desenvolvidas por LIFE Fluvial para a conmemoración do Día Mundial do Medio Ambiente.
Nesta ocasión, en concreto, descríbense as actuacións de voluntariado levadas a cabo pola Reserva de Biosfera Mariñas Coruñesas e Terras do Mandeo que permitiron a mobilización de máis de oitenta persoas voluntarias entre os días 5 e 6 de xuño de 2021. Os traballos consistiron na retirada de especies de flora exótica invasora así como na limpeza de residuos plásticos e de vidro.
Pica na seguinte ligazón para descargar o boletín: https://www.uicn.es/no-42-verano-21/
