Con motivo da celebración do Día Mundial dos Humidais 2021, o 1 de febreiro tivo lugar a presentación telemática aos medios de comunicación da Guía de Turismo Ornitolóxico da Reserva de Biosfera. Nesta presentación, na que interviron dende a presidencia da Reserva de Biosfera, a Deputación da Coruña e a empresa redactora da guía, tivo o seu espazo tamén a entidade ASPACE Coruña, dende a óptica dos valores ambientais aplicados ás dinámicas sociais.
ASPACE é unha entidade pioneira en Galicia en atención integral a persoas con parálise cerebral que traballa para a mellora da súa calidade de vida e das súas familias.
Derivada da citada presentación, e co apoio dos materiais e indicacións facilitados dende o proxecto Life Fluvial, o día 2 de febreiro se organizou un taller de pintura centrado na importancia dos valores da fauna autóctono dentro dos espazos Rede Natura 2000.
